Thursday, July 7, 2011

Yeh Jo Chilman Hai - Mehboob ki Mehndi

Yeh jo chilman hai, dushman hai hamaari
Yeh jo chilman hai, dushman hai hamaari
Kitni sharmili, ooh kitni sharmili dulhann hai hamaari

Doosra aur koi yahaan kyun rahe?
Doosra aur koi yahaan kyun rahe?
Husn aur ishq ke darmiyaan kyun rahe
Woh bhala kyun rahe, yeh yahaan kyun rahe
Haan ji haan kyun rahe

Ye jo aanchal hai shikhwa hai hamaara
Kyun chhupata hai chehra yeh tumhara
Hoo ye jo chilman hai

Kaise deedar aashiq tumhaara karen
Kaise deedar aashiq tumhaara karen
Rukhe roshan ka kaise nazaara karen
Ho nazaara karen, ho ishaara karen
Haan pukaara karen

Ye jo gesu hai baadal hai kasam se
Kaise bikhre hein gaalon pe sanam ke
hoo Ye jo chilman hai

Rukh se parda zaraa jo sarakne laga
Rukh se parda zaraa jo sarakne laga
Uff ye kambakht dil kyun dhadakne laga
Ho dhadakne laga, ho bhadak ne laga
Dam atak ne laga

Ye jo dhadkan hai dushman hai hamaari
Kaise dil sambhale uljhann hai hamaari

Hoo yeh jo chilman hai, dushman hai hamaari

No comments: